रवा लाडू

साहित्य : 

• ३ कप बारीक रवा 
• १.५ कप साखर 
• १/२ कप पाणी 
• १/४ कप सुक्या नारळाचा खीस 
• १/४ कप तूप 
• १/२ टेबलस्पून वेलची पूड 
• चिमुटभर मीठ 
• सुकामेवा घालू शकता
  

कृती : 

• सर्व साहित्य घ्या आणि रवा छान साफ असावा. 
• सुक्या नारळाच खोबर मिक्सर मध्ये बारीक करून घ्या. 
• कढईमध्ये तूप टाकून रवा छान सोनेरी होईपर्यंत भाजून घ्या. 
• २ मिनिटाने सुक्या नारळाचा खीस व सुकामेवा घालून रव्या सोबत भाजून घ्या. 
• रवा बाजूला काढून आता कढईमध्ये साखर आणि पाणी घालून मंद आचेवर साखर विरघळून घ्या. 
• साखर विरघळल्या नंतर या मिश्रणात मीठ आणि वेलची घाला हे सर्व कोमट झाल्यानंतरच रवा मिक्स करून ३० मिनिटे झाकून ठेवा. (साखरेचे मिश्रण गरम असताना घालू नये) 
• ३० मिनिटाने सर्व छान मिक्स करून लाडू बनवून घ्यावे. 
• एवढ्या प्रमाणात १२ लाडू तयार होतात. २० दिवस टिकू शकतात. 
• अशा प्रकारे रव्याचे लाडू तयार होतील.