गव्हाच्या पीठाचे पौष्टिक बिस्कीट

 

साहित्य : 

• १ कप कणीक 
• १/२-३/४ कप साजूक तूप 
• १/२ कप बेसन 
• १/३ कप पिठी साखर 
• १/२ चमचे दालचिनी पूड
   

कृती : 

• सर्व साहित्य एकत्र ठेवावे. एका भांड्यात कणीक, बेसन पिठी साखर आणि दालचिनी पूड टाकून मिक्स करून घ्यावे. 
• आता त्यात साजूक तूप टाकावे. आणि त्याचा गोळा बनवून घ्यावा. आवश्यकता वाटल्यास आणखी थोडे तूप टाकावे. 
• १० मिनिटे झाकून ठेवावे. 
• नंतर त्याचे सारख्या आकाराचे गोळे करून घ्यावे. बिस्किटाचा आकार देऊन आवडेल त्या प्रमाणे, त्यावर डिझायनिंग करू शकतो. 
• तळण्याच्या जाळीने डिझाईन देऊ शकता. 
• त्या पूर्वी कुकरमध्ये बिस्कीट बेक करण्यासाठी, कुकर गरम करायला ठेवला पाच मिनिट. त्यात जाळी ठेवून, त्यात तयार केलेल्या बिस्कीट ची प्लेट ठेवली. 
• साधारण १५-२० मिनिटे कमी ते मध्यम आचेवर. 
• त्याच प्रमाणे काही बिस्कीट ओव्हन मध्ये करू शकता. साधारण १५ मिनिटे ठेवा. 
• थंड झाल्यावर काढून घ्यावेत. 
• अशा प्रकारे पौष्टिक घरगुती कणकेचे बिस्कीट तयार होईल.