घरगुती पद्धतीने बनवलेली बारकवडी

 

साहित्य :

भाकरवडीचंं आवरणासाठी 

• १०० ग्रॅॅम मैदा 
• २ चमचे बेसन 
• 1 चमचा गरम तेलाचं मोहन 
• 1 चमचा मीठ 
• 1 चमचा लाल तिखट 
• 1 चमचा ओवा 

सारणासाठी 

• 1 चमचा जिरंं
• 1 चमचा सफेद तीळ 
• ४ चमचे सुक खोबर
• २ चमचे बारीक चिरलेली कोथिंबीर
• 1 चमचा जिरा पावडर 
• २ चमचे धना पावडर 
• २ चमचे लाल तिखट 
• चवीनुसार मीठ 
• २ चमचे बारीक शेव 
• 1 चमचा साखर 
• २  चमचे चिंच गुळाची चटणी 

कृती : 

• एका पसरट भांड्यात मैदा, बेसन, लाल तिखट, मीठ, ओवा, आणि तेलाचं मोहन टाकून, पाण्याने घट्ट गोळा मळून घ्यायचा. 
• एका कढईत जिरंं, तीळ, सुक खोबर, आणि कोथिंबीर परतून मिक्सर मधून वाटून घ्यायची. वाटलेल्या मिश्रणात लाल तिखट, जिरा पावडर, धना पावडर, मीठ, साखर, शेव टाकून परत वाटून घ्यावं. 
• मळलेल्या पिठाची पारी लाटून त्यावर चिंच गुळाची चटणी लावावी. 
• त्यावर तयार सारण आणि शेव पसरवावा. त्याचा रोल बनवून, त्याचे काप करून घ्यावेत. 
• तयार काप कमी आचेवर तेलात ७/८ मिनिटासाठी खरपूस तळून घ्यावेत. 
• अशा प्रकारे कुरकुरीत खमंग भाकरवडी तयार होईल.