काकडीचे सूप

साहित्य : 

• २ मोठया काकड्या 
• १/२ चमचे हिरवी मिरची पेस्ट 
• २ चिमटी मिरपूड 
• २ चमचे ऑलिव ऑईल
• १/४ कप कांदा, बारीक चिरून 
• २ लसणीच्या पाकळ्या
• १ चमचा लिंबाचा रस 
• चवीपुरते मीठ 
• कोथिंबीर

कृती : 

• काकड्या सोलून घ्याव्यात, देठ काढून पातळ गोल चकत्या कराव्यात. दोन्ही काकड्यांची चव पहावी कारण कधीकधी काकडी कडवट असते. 
• पातेल्यात तेल गरम करावे. त्यात लसूण परतावी. नंतर कांदा परतावा. 
• कांदा नीट शिजला की काकडीच्या चकत्या आणि थोडे मीठ घालावे. 
• मिडीयम आणि लो च्या मध्ये आच ठेवावी. झाकण ठेवून १० मिनिटे काकडी शिजू द्यावी. १० मिनिटांनी ककडी एकदम मऊ झालेली असेल. 
• हे मिश्रण मिक्सरमध्ये घालावे. मिरची पेस्ट, लिंबू रस आणि मिरपूड घालून एकदम बारीक करावे, कन्सिस्टन्सी अॅॅडजस्ट करावी लागली तरच २-३ चमचे पाणी घालावे. 
• सूप कोमटसर सर्व्ह करावे किंवा २ तास फ्रीजमध्ये ठेऊन कोल्ड सूप म्हणून सर्व्ह करू शकता. 
• अशा प्रकारे स्वादिष्ट काकडीचे सूप तयार होईल.