चिकन चिली बनवण्यासाठी लागणारे साहित्य आणि कृती पुढीलप्रमाणे आहे.
साहित्य :-
- बॉयलर चिकन २५० ग्रॅम
- मध्यम आकाराच्या सिमला मिरच्या ३
- आलं-लसूण-मिरची-जिरे- व कोथिंबीरची पेस्ट २ मोठे चमचे
- यात मिरच्या थोड्या जास्त घालाव्यात.
- ८-१० मोठ्या लसूण पाकळ्या गोल काप करून.
- धणे-जिरे पावडर १ चमचा
- गरम मसाला १ चमचा
- हळद अर्धा चमचा
- तेल २ चमचे
- पाणी
- मीठ चवीनुसार
- सजावटीसाठी ओल खोबर, चिरलेली कोथिंबीर व लिंबू.
- चिकन स्वच्छ धुवून घ्यावे.
- एका भांड्यात पाणी व थोडेसे मीठ घालून त्यात चिकन उकडून घ्यावी. त्यातील पाणी काढून टाकावे.
- सिमला मिरचीतील बिया काढून पातळ उभे काप करून घ्यावे.
- दुसऱ्या भांड्यामध्ये तेल गरम करून त्यावर चिरलेली लसूण. तयार वाटण व गरम मसाला, हळद, धणे-जिरे पावडर, गरजेनुसार मीठ आणि मिरचीचे काप घालून परतावे.
- झाकण ठेवून पाच मिनिटे मंद आचेवर ठेवावे. मिरची मऊ झाल्यावर त्यात उकडलेली चिकन घालून व्यवस्थित एकत्र करावे.
- पुन्हा पाच मिनिटे झाकण न ठेवता शिजू द्यावे.
- प्लेटवर काढून त्यावर ओल खोबर व कोथिंबीर भुरभुरावी.
- खाताना त्यावर लिंबू पिळला की अप्रतिम चव येते.
No comments:
Post a Comment