काकडीचे थालीपीठ

 

काकडीचे थालीपीठ बनवण्यासाठी लागणारे साहित्य :-
 

• २ मोठ्या काकड्या 
• मीठ 
• तिखट 
• हळद 
• चिमुटभर ओवा 
• चमचाभर तीळ 
• धणेपूड 
• बारीक चिरलेली कोथिंबीर 
• बारीक चिरलेल्या हिरव्या मिरच्या 
• कणिक किंवा मिक्स्ड ग्रेन आटा 
• तेल 

कृती :-

 

• काकड्याची सालं सोलून काकड्या किसून घ्यायच्या. 
• साधारण ५ मिनिट मोठ्या गाळणीवर ठेवून पाणी गळू द्यायचं. कीस पिळायचा नाही. 
• किसात आता पीठ सोडून, बाकी सगळे घटक घालून, हलक्या हाताने मिसळून घ्यायचे. 
• या मिश्रणात, व्यवस्थित घट्ट गोळा होईल इतपत पीठ घालायचे.
• एकीकडे तवा तापत ठेवायचा. 
• २-३ मिनिटात थालीपीठ लावून, तेल घालून, खरपूस भाजायची.