पेरूची कोशिंबीर

 

आज आपण पेरूची कोशिंबीर कशी बनवायची ते पाहूया. 

साहित्य :- 

• ३-४ मोठे दळदार पिकलेले पेरू 
• ३-४ मध्यम बटाटे 
• २-३ पातीसह कांदे 
• ३ हिरव्या मिरच्या 
• ४-५ कोथिंबीरच्या काड्या 
• ४-५ पुदिन्याच्या काड्या 
• १ चमचा मीठ 
• १ चमचा साखर 

कृती :- 

• बटाटे उकडून सोलावे, कांदे, पात, मिरच्या, कोथिंबीर व पुदिन्याची पाने बारीक चिरावी. 
• पेरूच्या बियांचा भाग टाकून द्यावा. साल काढून टाकून गर बारीक चिराव्या. 
• सर्व एकत्र अलगद मिसळावे. मीठ व साखर घालावी. 
• लिंबाचा रस पिळावा व गार करून ही कोशिंबीर खायला द्यावी. 
• उपासासाठी करायची असल्यास पुदिना व कांदे वगळावे. 
• त्याऐवजी अर्धा चमचा जिरेपूड घालावी. 
• तयार आहे स्वादिष्ट पेरूची कोशिंबीर.