मक्याचे कटलेट्स

 

साहित्य :-

• ५ मध्यम आकाराचे बटाटे 
• १ वाटी मक्याचे दाणे-अमेरिकन पिवळे मके असतील तर उत्तमच 
• ३ ते ४ हिरव्या मिरच्या 
• साधारण २ पेरा एवढा आल्याचा तुकडा 
• ४ ते ५ लसूण पाकळ्या 
• ४ ते ५ ब्रेड स्लाईस 
• ४ ते ५ चमचे रवा 
• मीठ, तेल.

कृती :-

• सर्वप्रथम बटाटे उकडून घ्या. मक्याचे दाणे काढून तेही बटाट्यांंबरोबर उकडा. चाळणीवर टाकून मक्यातले पाणी काढून टाका. बटाटेही चाळणीवर टाकून कोरडे होऊ द्या. साले काढून बारीक करून घ्या.  
• पावाचे स्लाईस पाण्यातून काढा व पिळून घ्या. हा गोळा किसलेला बटाटा व मक्याच्या दाण्यात मिसळा.
• आले,लसूण, मिरची वाटून त्याची पेस्ट करा व ही पेस्ट वरील गोळ्यात मिसळा.
• मीठ चवीनुसार घाला. हे मिश्रण मळून सगळीकडे तिखट मीठ लागेल असे पाहा.
  
• एका ताटलीत रवा घ्या. गोल, लांबट हव्या त्या आकाराचे कटलेट वळा व हे कटलेट रव्यात घोळवा आणि पॅॅनमध्ये मध्यम आचेवर शॅॅलोफ्राय करा.
• गरम गरम कटलेट टोमॅटो सॉस किंवा चिंचगूळ खजुराची चटणीसोबत सर्व्ह करा.   

         अशाप्रकारे मक्याचे कटलेट्स तयार आहेत. तुम्ही घरी देखील करून बघू शकता.